سوودانی لەگەڵ شاندێکی گۆنگرێسی ئەمریکا تاوتوێی پەرەپێدانی پەیوەندییە دووقۆڵییەکان دەکات

ئاڤا نیوز

سەرۆکوەزیرانی عێراق لەگەڵ شاندێکی گۆنگرێسی ئەمریکا تاوتوێی پەرەپێدانی پەیوەندییە دووقۆڵییەکانی نێوان هەردوو وڵات و چۆنیەتی پتەوکردنیان لە بوارە جیاجیاکاندا دەکات.

چیرۆکی سەرەکی: یەکشەممە 13ـی نیسان، محەممەد شیاع سوودانی، سەرۆکوەزیرانی عێراق، پێشوازیی لە ژمارەیەک لە ئەندامانی کۆنگرێسی ئەمریکا کرد.

ڕاگەیێنراوی فەرمی: بەگوێرەی ڕاگەیێنراوی نووسینگەی سەرۆکوەزیرانی عێراق، لە کۆبوونەوەکە جەخت لەسەر گرنگی پەیوەندییە ستراتیژییەکان لەگەڵ ویلایەتە یەکگرتووەکان کرایەوە، کە سوودی بۆ هەردوو گەلی دۆست هەیە و ئاماژەی بەوەشکرد حکومەت پێشوازی لە هەموو هەوڵێک دەکات بۆ سەقامگیرکردنی ئارامی لە ناوچەکە و پشتیوانیکردنی عێراق بۆ کۆبوونەوە و دیالۆگەکان، بە مەبەستی کۆتاییهێنان بە گرژییەکان و چەسپاندنی ئاسایش و سەقامگیری.

سوودانی جەختی لەوە کردەوە کە عێراق بە بەردەوامی بەرەو بەدیهێنانی گەشەپێدانی گشتگیر و چاکسازی و شاییستەکان هەنگاو دەنێت، گرنگترینیان ئەنجامدانی هەڵبژاردنی پەرلەمانییە کە پابەندبوونی گەلی عێراق بە ڕێڕەوی دیموکراسی دووپات دەکاتەوە.

ئەوەی پێویستە بیزانیت: ئەندامانی شاندەکەی کۆنگرێسی ئەمریکا بریتی بوون لە: مایکل باومگارتنەر لە پارتی کۆماری، ئادەم سمیس و جۆرج وایتساید و ویسلی بێڵ و خاتوو سارا جاکۆبس لە پارتی دیموکرات.

بۆچوونی لایەنی بەرامبەر: شاندەکەی ئەمریکا ئاماژەیان بە گرنگی پەیوەندییەکان لەگەڵ عێراق کرد، وەک هاوبەشێکی گرنگ لە ڕۆژهەڵاتی ناوەڕاست.