ئەکسیۆس: خولی دووەمی دانوستانەکانی ئەمریکا و ئێران لە ڕۆما دەکرێت

ئاڤا نیوز

 

ئەکسیۆس لە زاری چەند سەرچاوەیەکی نزیک لە ترەمپ بڵاوی کردەوە، خولی دووەمی دانوستانەکانی ئێران و ئەمریکا لە ڕۆمای پایتەختی ئیتاڵیا بەڕێوەدەچن.

 

وێنە گەورەکە: ڕۆژی شەممە 12-4-2025،   شاندی دانوستانکاری ئێران بە نوێنەرایەتی عەباس عێراقچی و شاندی ئەمریکا بە نوێنەرایەتیی ستیف ویتیکۆف، نێردەی ترەمپ بۆ ڕۆژهەڵاتی ناوەڕاست لە شاری مەقەستی عومان یەکەم دانووستانی ناڕاستەوخۆ بۆ گەیشتن بە ڕێککەوتن سەبارەت بە پرسی ئەتۆمی ئێران ئەنجامدا و بڕیارە لە هەفتەی داهاتوو دووەم خولی دانووستانەکان ئەنجامبدەن.

 

زانیاریی بەدەستهاتوو: ڕۆژی یەکشەممە ماڵپەڕی  ئەکسیۆس بە پشتبەستن بە دوو سەرچاوەی ئاگادار لە ئەمریکا بڵاویکردەوە، ڕۆژی شەممەی داهاتوو خولی دووەمی دانوستانە ئەتۆمییەکانی نێوان ئەمریکا و ئێران لە شاری ڕۆمای پایتەختی ئیتاڵیا بەڕێوەبچێت.

 

- ماڵپەرەکە ئەوەشی ئاشکرا کردووە، هەرچەندە خولی دووەمی دانوستانەکان لە عومان نابێت، بەڵام بە نێوندگیری ئەو وڵاتە دەبێت. هاوکات دانوستانەکان بە  بە ڕاستەوخۆ دەبێت و نوێنەری هەردوو وڵات لە یەک ژووردا کۆدەبنەوە. 

 

لەلایەکی دیکەوە: پێشتر ئیبراهیم ڕەزایی، وتەبێژی لیژنەی ئاسایشی نیشتمانی و سیاسەتی دەرەوەی پەرلەمانی ئێران ڕایگەیاندبوو: "خولی داهاتووی دانوستان لەگەڵ ئەمریکا لە ئەوروپا بەڕێوەدەچێت"، بەبێ ئەوەی شار و وڵاتەکەی دیاری بکات.