تورکیا و ئەمریکا لەبارەی ئاگربەستی ئۆکراینا قسە دەکەن

ئاڤا نیوز

 

وەزیری دەرەوەی تورکیا و هاوتا ئەمریکییەکی لەبارەی دۆخی غەززە و پێشهاتەکانی ئەم دواییەی سووریا و هەوڵەکان بۆ ئاگربەستی ئۆکراینا، پەیوەندییەکی تەلەفۆنی ئەنجام دەدەن. 

وێنە گەورەکە: لەدوای گرتنەوە دەسەڵات لەلایەن دۆناڵد ترەمپ، سەرۆکی ئێستا ئەمریکا پەیوەندییە دیپلۆماسییەکانی نێوان ئەو دوو وڵاتە بەرەوە بوژانەوەیە و هەردوولا لە پەیوەندی بەردەوامدان، هاوکات ترەمپ لەگەڵ ڕەجەب تەیب ئەردۆغان، سەرۆککۆماری تورکیا پەیوەندییەکی باشی هەیە و بە سەرۆکێکی بەهێز و زیرەک وەسفی دەکات.

 

 بۆچی گرنگە: ئەم پەیوەندییە تەلەفۆنییە لە کاتێکدایە کە هەردوو وەزارەتی هاوتا، کار لەسەر ئامادەکارییەکان بۆ چاوپێکەوتنی نێوان ترەمپ و ئەردۆغان دەکەن، چاوەڕێ دەکرێت لە داهاتوویەکی نزیکدا ئەو دوو سەرۆکە یەک ببینن و لەسەر چەند پرسێکی ستراتیژی و گرنگ قسە بکەن، بەڵام هێشتا دیار نییە ئەم کۆبوونەوەیە لە تورکیا دەبێت یاخود ئەمریکا.

 

ڕاگەیێنراوی فەرمی: وەزارەتی دەرەوەی تورکیا لەبارەی پەیوەندییە تەلەفۆنییەکەوە ڕایگەیاندووە، هاکان فیدان و مارکۆ ڕۆبیۆ لەو پەیوەندییە تەلەفۆنییەدا، دۆخی مرۆیی لە غەززە، پێشهاتەکانی ئێستای سووریایان باس کردووە. 

-    هاوکات باس لە هەوڵە نێودەوڵەتییەکانی کراوە بۆ هاتنە کایەی ئاگربەست لە نێوان ڕووسیا و ئۆکراینا.