سووریا و فەڵەستین لەسەر ئاستی باڵا کۆدەبنەوە

ئاڤا نیوز

دوای 16 ساڵ ئەحمەد شەرع، سەرککۆماری سووریا لە کۆشکی سەرۆکایەتی سووریا پێشوازی لە مەحموود عەباس، سەرۆکی فەڵەستین کرد.

 

چیرۆکی سەرەکی:  ئەمڕۆ هەینی 2025-04-18، مەحموود عەباس، سەرۆکی فەڵەستین بە سەردانێکی فەرمی گەیشتە سووریا و لە کۆبوونەوەی لەگەڵ بەرپرسانی باڵای ئەو وڵاتە. باسیان لە پەیوەندییەکانی نێوانیان کرد.

ڕاگەیێنراوی فەرمی: سەرۆکایەتی سووریا لە ڕاگەیێنراوێکدا ڕایگەیاند، بە ئامادەبوونی ئەسعەد شەیبانی وەزیری دەرەوەی سووریا، ئەحمەد شەرع، سەرککۆماری سووریا لەگەڵ مەحموود عەباس و شاندی یاوەری کۆبووەتەوە.

٠ لە کۆبوونەوەکەدا پتەوکردنی پەیوەندییەکانی سووریا و فەڵەستین و هەڕەشە هاوبەشەکان لەسەر هەردوو وڵاتەکە تاوتوێکران.

ژمارەکان وادەڵێن: بەپێی ئاماری نەتەوەیەکگرتووەکان، ژمارەی ئاوارە فەڵەستینییەکان لە سووریا گەیشتووەتە 438 هەزار کەس.