بەرپرسێکی ئەمریکی: دانوستاندنەکان لەگەڵ ئێران پێشکەوتنیان بەدەستهێناوە

ئاڤا نیوز

 

دوای بەڕێوەچوونی گەڕی دووەمی دانوستاندنەکان لەنێوان ئەمریکا و ئێران، بەرپرسێکی باڵای ئەمریکا دانوستاندنەکان بە "ئەرێنی" وەسف دەکات.

 

وێنە گەورەکە: دوای هەفتەیەک لە بەڕێوەچوونی یەکەم دانوستاندنی ناڕاستەوخۆی نێوان تاران و واشنتن، ڕۆژی شەممە 19-4-2025، گەڕی دووەمی دانوستاندنەکان بۆ ڕێککەوتن لەسەر بەرنامە ئەتۆمییەکەی ئێران لە ڕۆمای پایتەختی ئیتاڵیا بەڕێوەچوو.

 

لێدوانی فەرمی: بەرپرسێکی باڵای ئەمریکا لەبارەی دانوستاندنەکانی ئێران و ئەمریکا ڕایگەیاند، لە ڕۆما زیاتر لە چوار کاتژمێر گەڕی دووەمی دانوستاندنمان ئەنجامدا، لەم گەڕەی دانوستاندنەکان پێشکەوتنێکی زۆر باشیان بەدەستهێناوە.

 

زانیاریی زیاتر: بڕیاروایە هەردوولا شەممەی داهاتوو جارێکی دیکە گەڕێکی دیکەی دانوستاندن لە عومان ئەنجام بدەن.

 

بۆچوونی لایەنی بەرامبەر: ئێران لەبارەی دانوستاندنەکانیان لەگەڵ ئەمریکا وتی، دانوستاندنەکان لەگەڵ ئەمریکا بونیادنەر بووە و بەردەوام دەبێت.