داهاتی ناوخۆ ڕادەستی بەغدا دەکرێت

ئاڤا نیوز

وەزارەتی دارایی و ئابووری حکومەتی هەرێمی کوردستان ڕایگەیاند: لیستی میزان موراجەعەی مانگی سێ ڕادەستی بەغدا کراوە و هەر ئەمڕۆش داهاتی ناوخۆ ڕادەست دەکرێت.

 

وێنە گەورەکە:  وەزارەتی دارایی هەرێمی کوردستان پابەندییەکانی خۆی بە ڕێککەوتنی لەگەڵ بەغدا بۆ خەرجکردنی مووچە جێبەجێ کردووە، سێ ئەرکی لەسەرە ئەوانیش کۆکردنەوەی داهاتی ناوخۆ  و ناردنی 50٪ی بۆ بەغدایە، هەروەها ئامادەکردنی تەرازووی پێداچوونەوە و لیستی مووچەیە کە مانگانە ڕەوانەی بەغدای دەکات.

 

زانیاریی تایبەت: سەرچاوەیەک لە وەزارەتی دارایی و ئابووری حکومەتی هەرێمی کوردستان ڕاگەیاند: لیستی میزان موراجەعەی مانگی سێ ڕۆژی 20-4-2025 ڕەوانەی بەغدا کراوە.

 

-    تاوەکو چەند کاتژمێر داهاتووش داهاتی ناوخۆش ڕادەستی بەغدا دەکرێت کە بڕەکەی زیاتر لە 48 ملیار دینارە. 

-    لیستی مووچەی مانگی چوار ئامادە بێت، ئێوارەی ئەمڕۆ یاخود سبەی دەنێرینە بەغدا.