ئیتاڵیا دوو درۆنی حووسییەكان تێكدەشكێنێت

ئاڤا نیوز

وەزارەتی بەرگریی ئیتاڵیا ڕایگەیاند، كەشتییەكی جەنگیی وڵاتەكەی دوو درۆنی حووسییەكانی لە دەریای سوور تێكشكاندووە.

چیرۆكی سەرەكی: دوای ئەوەی پەرلەمانی ئیتاڵیا ڕێی بە بەشداریكردنی ئیتاڵیاى دا لە ئۆپەراسیۆنی ئاسپیدێس-دا، ئەمە یەكەم كردەی ڕاگەیەنراوی ڕۆمایە لە ناوچەكەدا.

لێدوانی فەرمی: وەزارەتی بەرگریی ئیتاڵیا ڕایگەیاند: لە چوارچێوەی ئۆپەراسیۆنی ئاسپیدێسی یەكێتیی ئەوروپادا، كەشتیی جەنگیی كایۆ دویلیۆ بۆ بەرگریكردن لە خۆی دوو درۆنی تێكشكاند.

باكگراوند: یەكێتیی ئەوروپا مانگی ڕابردوو بە ئامانجی پاراستنی كەشتییە نێودەوڵەتییەكانی نێو دەریای سوور، ئۆپەراسیۆنی ئاسپیدێسی خستە گەڕ، ئیتاڵیاش فەرماندەیی كرداریی ئۆپەراسیۆنەكەی لە ئەستۆ گرتووە.

زانیاریی زیاتر: وشەی ئاسپیدێس بە گریكی واتە مەتاڵ، یان قەڵغان.