مەسرور بارزانی پێشوازی لە وەزیری دەرەوەی فەرەنسا دەكات

ئاڤا نیوز

سەرۆكوەزیران مەسرور بارزانی، لەگەڵ وەزیری دەرەوەی فەرەنسا جەخت لە گرنگیی پەرەپێدانی پەیوەندییە دووقۆڵییەكانی هەرێمی كوردستان و فەرەنسا لەبوارە جۆراوجۆرەكاندا كردەوە، هەردوولاش هاوڕابوون لەسەر پێویستی پێكهێنانی كابینەی نوێی حكومەتی هەرێمی كوردستان لەكاتێكی نزیکدا.

چیرۆكی سەرەكی: ئێوارەی ئەمڕۆ 23-4-2025، مەسرور بارزانی، سەرۆکی حکومەتی هەرێمی کوردستان، پێشوازی لە ژان نوێل بارۆت، وەزیری دەرەوەى فەرەنسا کرد.

ڕاگەیێنراوی فەرمی: بەگوێرەی ڕاگەیێنراوی ماڵپەڕی فەرمی حكومەتی هەرێمی كوردستان، وەزیری دەرەوەی فەرەنسا ڕایگەیاند، هەرێمی کوردستان فاکتەرێکی گرنگی ئاسایش و سەقامگیرییە لە ناوچەکەدا.

لێدوانی فەرمی: مەسرور بارزانی، سوپاس و پێزانینی هەرێمی کوردستانی بۆ پشتیوانیی بەردەوامی حکومەت و گەلی فەرەنسا دووپات کردەوە و جەختی لە گرنگیی پەرەپێدانی پەیوەندیی دوولایەنە لە بوارە جۆراوجۆرەکاندا کردەوە.

زانیاریی زیاتر: هەردوولا هاوڕا بوون لەسەر پێویستی پێکهێنانی کابینەی نوێی حکومەتی هەرێمی كوردستان لە کاتێکی نزیکدا.

ئەمەش بزانە: پەیوەندییەکانی هەرێمی کوردستان و حکومەتی فیدراڵ و گرنگیی دابینکردنی مافە دەستوورییەکانی هەرێمی کوردستان و ڕێزگرتن لە سیستەمی فیدراڵی، هەروەها دەستپێکردنەوەى هەناردەکردنی نەوتی هەرێمی کوردستان، تەوەرێکی دیکەی گفتوگۆکان بوو.