ئێران دەترسێت شیعە پۆستی پارێزگاری دیالە لەدەست بدات

ئاڤا نیوز

 

ناکۆکییەکانی نێوان هادی عامری و قەیس خەزعەلی لەسەر پۆستی پارێزگاری دیالە ئێرانی نیگەران کردووە و ترسی هەیە شیعە ئەو پۆستە لەدەست بدات.

 

وێنە گەورەکە: هادی عامری لەکۆی 15 کورسیی ئەنجوومەنی پارێزگای دیالە 4 کورسی بەدەستهێناوەو داوای پۆستی پارێزگار دەکات، بەڵام قەیس خەزعەلی ڕێگری سەرەکییە بۆ ئەوەی ئەو پۆستە بۆ عامری یەکلایی ببێتەوە. 

زانیاریی بەدەستهاتوو: بەگوتەی سەرچاوەیەکی نزیک لە چوارچێوەی هەماهەنگی، بەرپرسانی تاران نیگەرانن لە ناکۆکیی نێوان لایەنە شیعییەکان لەسەر پۆستی پارێزگاری دیالە و ترسیان هەیە تووشی شکستی سیاسی بن و پۆستەکە لەدەستیان نەمێنێت، لەکاتێکدا دیالە یەکێکە لەو پارێزگایانەی کە هاوسنووری وڵاتەیەکەیانە.

 

زانیاریی زیاتر: عامری بۆ ئەوەی کێشەکە زۆر نەخایەنێت ڕازی بووە پۆستی پارێزگاری دیالە بدات بە نووری مالیکی کە تەنیا یەک کورسیی ئەنجوومەنی پارێزگای دیالەی بەدەستهێناوە، بەڵام ئەوەش کێشەکەی چارەسەر نەکردووە.