500 پەنابەری سووری لە ئەڵمانیاوە گەڕاونەتەوە سووریا

ئاڤا نیوز

لە دوای ڕووخانی ڕژێمی ئەسەدەوە تا ئێستا 500 پەنابەری سووری لە ئەڵمانیاوە ئارەزومەندانە، گەڕاونەتەوە وڵاتەکەیان.

وێنەگەورەکە: لە دوای ڕووخانی دەسەڵاتی بەشار ئەسەد لە سووریا، ئەو کەسانەی بەهۆی توندوتیژییەکانی ئەو کاتەی سووریا ئاوارەی وڵاتان ببوون، ئێستا وردە وردە بەرەو سووریا دەگەڕێنەوە.

ڕاگەیێنراوی فەرمی: فەرمانگەی کۆچ و کۆچبەرانی ئەڵمانیا ڕایگەیاند، "لە دوای ڕووخانی ڕژێمی ئەسەدەوە، نزیکەی 500 پەنابەری سووریا لە ئەڵمانیاوە ئارەزوومەندانە، گەڕاونەتەوە وڵاتەکەیان. هاوکات حکومەتی ئەڵمانیا بەبڕی چوار هەزار یۆرۆ هاوکاریی هەر خێزانێک دەکات بۆ گەڕانەوەیان.

- ژمارەی ئەو سوورییانەی کە لە ئەڵمانیاوە گەڕاونەتەوە سووریا زۆر لەوە زیاترە، چونکە بەشی زۆریان بەبێ خۆ تۆمارکردن و وەرگرتنی هیچ هاوکارییەک لە حکوومەتی ئەڵمانیا، گەڕاونەتەوە.

لە لایەکی دیکەوە: وەزارەتی ناوخۆی ئەڵمانیا ئاسانکارییان بۆ دەکات  بەچاوپۆشین لە کاتی  یاسایی و مافی مانەوەیان، ئەمەش وەک هەوڵێک بۆ ئەوەی پەنابەرەکان بیر لە گەڕانەوەی یەکجاریی بۆ سووریا بکەنەوە.

باکگراوند: لە دوای هەڵگیرسانی شەڕی ناوخۆی سووریا، یەک ملیۆن  هاوڵاتی لە  سووریا، وەک پەنابەر چوونەتە ئەڵمانیا، لەوانەش 300 هەزار کەسیان کوردانی ڕۆژئاوای کوردستانن.