ترەمپ: ئامادەم لەگەڵ خامنەیی کۆببمەوە

ئاڤا نیوز

دۆناڵد ترەمپ، سەرۆکی ئەمریکا، ڕایگەیاند ئامادەیی ئەوەی تێدایە کە لەگەڵ سەرۆک یان ڕێبەری باڵای ئێران کۆببێتەوە.

لێدوانی فەرمی: لە چاوپێکەوتنێکیدا لەگەڵ گۆڤاری تایمی ئەمریکی، ترەمپ لە وەڵامی پرسیارێکدا سەبارەت بەوەی کە ئایا ئامادەیی ئەوەی تێدایە لەگەڵ بەرپرسانی باڵای ئێران کۆببێتەوە، ترەمپ وتی، "بە دڵنیاییەوە."

- ترەمپ ڕەتیکردەوە ڕێگری لە ئیسرائیل کردبێت کە هێرش بکاتە سەر ئێران، بەڵام جەختی لەوە کردەوە کە چارەسەری دیپلۆماسی پێ باشترە و پێشی وایە دەتوانن لەگەڵ ئێران بگەن بە ڕێککەوتن.

ئەوەی پێویستە بیزانیت: ئەم لێدوانەی ترەمپ لە کاتێکدایە، ئەمریکا و ئێران دانوستانە ئەتۆمییەکانیان دەستپێکردوون و تا ئێستا دوو جار کۆبوونەتەوە و بڕیاریشە سبەی شەممە گەڕی سێیەمی دانوستانەکانی نێوانیان بە نێوەندگیریی عومان لە پایتەختی ئەو وڵاتە بەڕێوە بچێت.

ئەمەش بزانە: ترەمپ پێشتر چەند جارێک ڕایگەیاندووە، ڕێگە نادات ئێران ببێتە خاوەن چەکی ئەتۆمی و بۆ ئەمەش تەنیا دوو ڕێگا هەن کە ئەوانیش ڕێگای دانوستان و ڕێگای هێرشی سەربازین کە ترەمپ خوازیارە بە دانوستان کێشەکە چارەسەر ببێت.