عەممار حەکیم: هەندێک لایەن ترسیان لە سەرکەوتنەکانی سوودانی هەیە

ئاڤا نیوز

 

سەرۆکی ڕەوتی حیکمە داوا لە لایەنە سوننییەکان دەکات پەلە بکەن لەسەر دیاریکردنی سەرۆکی پەرلەمان، دەشڵێت "هەندێک لایەن ترسیان لە سەرکەوتنەکانی سوودانی هەیە".

 

لێدوانی فەرمی: عەممار حەکیم، سەرۆکی ڕەوتی حیکمە لە چاوپێکەوتنێکی تەلەڤزیۆنیدا ڕایگەیاند: تاوەکو ئێستا ناوی هیچ بەربژێرێک بۆ پۆستی سەرۆکی پەرلەمانی عێراق یەکلایی نەکراوەتەوە، کارەکە پێویستی بە هەندێک وردەکاریی زیاتر هەیە.

 

قووڵتر: چوارچێوەی هەماهەنگی هیچ بەربژیرێکی بۆ پۆستی سەرۆکی پەرلەمان پێشنیاز نەکردووە، بەڵام کارلێکی هەبوو لەگەڵ هەندێک لەو کەسانەی خۆیان بەربژێرکرد.

 

زانیاریی زیاتر: ئەنجامەکانی هەڵبژاردنی ئەنجوومەنی پارێزگاکان بە نیسبەت ڕەوتی حیکمەوە باشبوون، بەڵام هەمواری یاسای هەڵبژاردن سوودی نییە.

 

گۆشەیەکی دیکە: عەممار حەکیم پشتیوانی خۆی بۆ حکومەتەکەی سوودانی دووپاتکردەوە و گوتی: سەرکەوتنەکانی سوودانی ترسی لای هەندێک لایەنی سیاسی دروستکردووە، ئەو لایەنە سیاسییانە هەست بە نیگەرانی دەکەن لە ڕۆڵیان و متمانەی شەقام و پاشەکشەیان لەڕووی سیاسییەوە.