ناردنى مووچەى مانگى 4 تەنیا واژۆى تەیف سامى ماوە

ئاڤا نیوز

 

سەرۆکی نوێنەرایەتیی حکومەتی هەرێمی کوردستان لە بەغدا ڕایدەگەیێنێ، مووچەی مانگی چوار تەنیا واژۆی تەیف سامی، وەزیری دارایی فیدراڵی ماوە.

 

وێنە گەورەکە: هەفتەی ڕابردوو، وەزارەتی دارایی و ئابووری هەرێمی کوردستان لیستی مووچە و تەرازووی پێداچوونەوە و بەشێک لە داهاتی نانەوتی ڕادەستی بەغدا کرد، ئەمەش وەک پابەندییەک بەرامبەر ئەو ڕێککەوتنەی لەگەڵ بەغدا کردوویەتی، بۆ ئەوەی لە کاتی خۆیدا مووچەی مووچەخۆرانی هەرێمی کوردستان بنێردرێت.

 

لێدوانی فەرمی: فارس عیسا، سەرۆکی نوێنەرایەتیی حکومەتی هەرێمی کوردستان لە بەغدا ڕایگەیاند، ناردنى مووچەى مانگى 4 تەنیا واژۆى تەیف سامى ماوە، ئەگەر ئەمڕۆ یان سبەی خەرج نەکرێت ئەوا بەدڵنیاییەوە سەرەتای هەفتەی داهاتوو خەرج دەکرێت.

 

زانیاریی زیاتر: فارس عیسا وتیشی: تا ئێستا لیستی مووچە هیچ کێشەیەکی نییە، دەبوو لەم دوو ڕۆژەدا بودجەکە بنێرن، بەڵام ناگاتە هەفتەی داهاتوو.

 

ئەوەی پێویستە بیزانیت: تاوەکو ئێستا بەغدا هیچ تێبینییەکی لەسەر لیستەکە نەبووە و وردبینی تەواو بوو، ئەگەری زۆرە لە چەند ڕۆژی داهاتوو بەغدا تەمویلی مووچەی مانگی چواری مووچەخۆران بکات.