تەقینەوەیەک لە کۆمپانیایەکی ئاسایشی نیشتمانی ئێران ڕوودەدات

ئاڤا نیوز

تەقینەوەیەک لە کۆمپانیایەکی شاری ئەسفەهانی ئێران ڕوویدا و میدیا ئێرانییەکان دەڵێن، ئەو کۆمپانیایە لەلایەن ئەنجوومەنی ئاسایشی نیشتمانیی ئێران بەڕێوەدەبرێت و لە بواری دروستکردنی تەقەنیدا کار دەکات.

ڕاگەیێنراوی فەرمی: میدیاکانی ئێران دەڵێن، کۆمپانیاکە لەلایەن کەسانێکەوە بەڕێوەدەبرێت کە پەیوەندییان بە کۆمپانیایەکی تری فڕۆکەی بێفڕۆکەوانەوە هەیە کە پێشتر لە ساڵی 2021دا تەقینەوە تیایدا ڕوویدا.

لێدوانی فەرمی: مەنسوور شیشه فرۆش، بەڕێوەبەری گشتیی بەشی بەڕێوەبردنی قەیرانەکان لە پارێزگای ئەسفەهان ڕایگەیاند، تەقینەوەکە لە کۆگایەکی سەر بە کۆمپانیای ئاڤانار پارسیان لە قەزای میما ڕوویداوە و بەهۆیەوە دوو کەس گیانیان لەدەستداوە و کەسێکی دیکەش برینداربووە.

ئەوەی پێویستە بیزانیت: ئەم ڕووداوە دوای چوار ڕۆژ لە تەقینەوە گەورەکەی بەندەر عەباس ڕوویدا کە بووە هۆی گیان لەدەستدانی 70 کەس و برینداربوونی زیاتر لە هەزار کەسی دیکە.