فایلی خەڵک؛ کاسبکارانی بازاڕی لەنگەی هەولێر داوای خزمەتگوزاری بۆ پارکێک دەکەن

ئاڤا نیوز

پارکێکی شاری هەولێر بەدەست کەمی خزمەتگوزارییە دەناڵێنێت و ئاڤا میدیا وێنەکانی دەگەیێنێتە لایەنی پەیوەندیدار.

چیرۆکی سەرەکی: پارکی بازاڕی لەنگەی شاری هەولێر، یەکێک لە قەرەباڵغترین پارکەکانی هەولێرە و ڕۆژانە دەیان دوکانداری بازاڕەکە و خەڵکی دیکە بۆ پشوودان ڕووی تێدەکەن، بەڵام بەدەست کەمی خزمەتگوزارییەوە دەناڵینێت و زبڵ و خاشاکی زۆری تێدایە.

داواکاریی خەڵک: دوکاندارانی بازاڕەکە داوای نۆژەنکردنەوە و گرنگیپێدانی زیاتر بە پارکەکە دەکەن و دەڵێن: ڕۆژانە بەشێکی کاتەکانیان لە پارکەکە بەسەر دەبەن و شوێنێکی گرنگە بۆ پشوودانیان.

ئەوەی پێویستە بیزانیت: ئاڤا میدیا چەند وێنە و ڤیدیۆیەکی پارکەکەی بەدەست گەیشتووە، لە ناوەوە و دەرەوەی پارکەکە زبڵ و خاشاکێکی زۆر هەیە.

لێدوانی فەرمی: کارزان عەبدولهادی، سەرۆکی شارەوانی هەولێر بە ئاڤا میدیای ڕایگەیاند: بەدواداچوونی ڕاستەخۆ بۆ بابەتەکە دەکەن و بەدڵنیاییەوە چارەسەری دەکەن.