نزیکەی 400 مامۆستای وانەبێژی دابڕاو گەڕێنراونەتەوە

ئاڤا نیوز

 

وەزارەتی پەروەردە لە ماوەی هەشت مانگی ڕابردوودا لەجێگە دانانی بۆ نزیکەی 400 مامۆستای وانەبێژ کردووە. 

 

وێنە گەورەکە: لە ماوەی ڕابردوو سەدان مامۆستای وانەبێژ بە هۆکاری جیا جیا لە کارەکەیان دابڕان، دواتر وەزارەتی پەروەردە داتابەیسێکی بۆ دانان و بەگوێرەی پێویستیی دەستیکرد بە گەڕانەوەی ئەو وانەبێژانە.

 

لێدوانی فەرمی: ئالان حەمە سەعید، وەزیری پەروەردەی حکومەتی هەرێمی کوردستان لە كۆنفڕانسێكی ڕۆژنامەوانییدا ڕایگەیاند: لە ماوەی هەشت مانگی ڕابردوودا نزیکەی 400 مامۆستای وانەبێژ کە پێشتر وازیان لە کارەکەیان هێناوە، لەجێگە دانانمان بۆ کردوون لەنێو ئەو لیستانەی لەلایەن مامۆستایانی بەخشراوەوە هەبووە. 

 

گۆشەیەکی دیکەی دیمەنەکە: وەزیری پەروەدە گوتیشی: لە وەزارەتی پەروەردە خۆبەخشمان نییە و پرۆسەی لەجێگەدانانی مامۆستانی گرێبەست بەپێی پێویستی بەردەوام دەبێت.

 

باکگراوند: ژمارەی مامۆستایانی گرێبەست لە هەرێمی کوردستان 37 هەزار و 933 مامۆستایە کە مووچەکانیان بە گوێرەی بڕوانامەی بەدەستهاتوو دیاری کراوە بەمشێوەیە.

- هەڵگری بڕوانامەی دیبلۆم 400 هەزار.

- هەڵگری بڕوانامەی بەکالۆریۆس 500 هەزار.

- پارەی پێویست بۆ مووچەی مانگانەیان نزیکەی  18 ملیار دینارە.