مەحموود عەباس سەرۆکوەزیرانی نوێی فەڵەستین دیاری دەکات

ئاڤا نیوز

 

دوای دەستلەکارکێشانەوەی محەمەد ئاشتیە، سەرۆکوەزیرانی پێشوو، مەحموود عەباس، سەرۆکی دەسەڵاتدارێتیی فەڵەستین سەرۆکوەزیرانێکی نوێ دەستنیشان دەکات.

وێنە گەورەکە: سەرەڕای ناڕەزاییەکانی ناو بزووتنەوەی فەتح، مەحموود عەباس سەرۆکی بزووتنەوەکە و سەرۆکی دەسەڵاتدارێتیی فەڵەستین، محەممەد مستەفا وەک سەرۆکوەزیران دادەنێت.

 

زانیاریی بەدەستهاتوو: بە گوتەی بەشێک لە میدیای عەرەبی، وەک ئەلجەزیرە، مەحموود عەباس لەژێر فشاری ئەمریکا، هەروەها بۆ پڕۆژەی چاکسازی و بە ئامانجی جێبەجێکردنی پلانەکانی دوای شەڕی غەززە، محەمەد مستەفای وەک سەرکوەزیران دەستنیشان کردووە. 

 

ئەوەی پێویستە بیزانیت: محەمەد مستەفا تەمەنی 69 ساڵە و ڕاوێژکاری ئابووریی سەرۆکی دەسەڵاتدارێتیی فەڵەستنە، ئەو پێشتریش وەزیری ئابووری و یاریدەدەری سەرۆکوەزیران بووە و لە ئەمریکا خوێندوویەتی، بەوە ناسراوە کە خاوەنی بیروڕای سیاسیی سەربەخۆیە و لە ئەمریکاوە نزیکە.