فایلی خەڵک؛ بەهۆی ئاگرکەوتنەوە سەدان دۆنم زەویی داچێنراو بە دەغڵ و دان سووتاون

ئاڤا نیوز

لە دوو ڕۆژی ڕابردوودا بەهۆی ئاگرکەوتنەوە سەدان دۆنم زەویی داچێنراو بە دەغڵ و دان سووتان و جووتیارانیش داوا دەکەن حکومەت قەرەبوویان بکاتەوە. بەڕێوەبەری کشتووکاڵی هەولێر لیژنەیەکیان بۆ پێکدەهێنێت.

وێنە گەورەکە: لە یەک دوو ڕۆژی ڕابردوودا بەهۆی ئاگرەوە بەسەدان دۆنم زەوی چێندراو بە دەغڵ و دانی جووتیارانی دەشتی شەمامک لەهەولێر سووتان.

زانیاریی پەیامنێر: ڕزگار کۆچەر، پەیامنێری ئاڤا چووەتە ناو جووتیارەکان کە زیانیان پێگەیشتووە، جووتیارەکان بەو چارەنووسەیان ڕازین کە بەسەریان هاتووە، داواش دەکەن حکومەت قەرەبوویان بکاتەوە.

لەلایەکی دیکەوە: ڕزگار کۆچەر پەیوەندی بە هێمن سەید موراد، بەڕێوەبەری کشتووکاڵی هەولێر دەکات، ئەویش بەڵێنی دا سبەی لیژنەیەکی فراوان سەردانی زەوییەکان بکات و  ئەوەی پێویست بێت بۆیان جێبەجێ دەکات.