چۆلەکە زیانی بە گەنمی جووتیارانی هیران گەیاندووە

ئاڤا نیوز

 

بەهۆی هاتنی ڕەوە چۆلەکەیەکی کۆچەرییەوە، جووتیارانی هیران زیانێکی زۆر بە گەنمەکانیان گەیشتووە.

 

چیرۆکی سەرەکی: ماوەی 10 ڕۆژە ڕەوە چۆلەکەیەک ڕووی لە ناوچەی هیران و دەورووبەری کردووە و هەر گوڵە گەنمێکیش پێبگات دەیخۆن، بەهۆی ئەمەشەوە جووتیارانی ناوچەکە باس لەوە دەکەن زیانێکی زۆریان پێگەیشتووە و ئێستا دەبێت پاسەوانی لە بەرهەمەکانیان بکەن. 

 

لێدوانی فەرمی: بەهجەت عەلی کە جووتیارێکی ناوچەی هیرانە بە ئاڤای ڕاگەیاند: ئەو چۆلەکانەی زیانیان بە جووتیاران گەیاندووە، زیاتر لە بەیانیان و ئێواران دەچنە نێو ئەو کێڵگەکانی بە گەنم داچێنراون، باسی لەوەشکردووە کە چەند ڕێگەیەکی کلاسیکیان گرتووەتەبەر بەڵام ئەمە ڕێگر نەبووە لەبەردەم هاتنی چۆلەکە بۆ کێڵگەکانیان و خواردنی گەنمیان.

 

زانیاریی زیاتر: ئێستا بەڕێوەبەرایەتی گشتیی کشتوکاڵی هەولێر لیژنەیەکی پێكهێناوە بۆ چارەسەرکردنی ئەم کێشەیەی جووتیاران.