لە سنووری ناڵپارێز زیاتر لە 200 دار دەسووتێن و گومانەکان لەسەر ئاژەڵی کێوین

ئاڤا نیوز

شەوی ڕابردوو لە دوو ڕووداوى جیاوازدا لە سنوورى ناڵپارێز و زەڕایەن زیاتر لە 200 سووتان و گومانەکانیش لەسەر ئاژەڵە کێوییەکانن کە بوونەتە هۆکاری کەوتنەوەی ئاگرەکە.

چیرۆکی سەرەکی: ئاگرێك لە سنووری ناحیەی ناڵپارێزی قەزای پێنجوێن، بەدیاری کراوی لە ملەی نەڵمە کەوتەوە، دواتر بە هەوڵی بنکەى پۆلیسى دارستانى ناڵپارێز و خەڵکی ناوچەکە ئاگرەکە کۆنترۆڵ کرا.

لێدوانی فەرمی: هێمن ئیبراهیم، بەڕێوەبەری ناحیەی ناڵپارێز بە وەکالەت بە ئاڤای ڕاگەیاند: 700 دۆنم پوش و پاوان، لەگەڵ 40 دۆنم گەنمى جووتیاران سووتاون، ئەو ناوچانە مینی چێنراویان تێدایە، بۆیە ئەگەر هەیە ئاژەڵە کێوییەکان ببنە هۆی تەقینەوەی مینێکی چێنراو، بەهۆیەوە پوش و پاوانەکە سووتاوە.

- زیاتر لە 200 داری سرووشتی لە ڕووداوەکەدا بە تەواوی سووتاون و کەڵکیان نەماوە، جگە لەمەش دارستانێکی دەستکرد سووتاوە کە پێشتر دروستکراوە، ئێستا لێکۆڵینەوەکان لە ڕووداوەکە دەستیپێکردووە.