سوودانی دەیەوێت هەمواری بودجە خێرا بكرێت

ئاڤا نیوز

محەممەد شیاع سوودانی، سەرۆکوەزیرانی عێراق، کار بۆ هەموار کردنەوەی پڕۆژە یاسای بودجەی گشتی دەکات و دەیەوێت کارەکانی خێرا بکرێت.

ڕاگه‌یێنراوی فه‌ڕمی: محه‌ممه‌د شیاع سوودانی، سه‌رۆكوه‌زیرانی عێراق سەرپەرشتی کۆبوونەوەیەکی کرد له‌سه‌ر خه‌رجییه‌ گشتییه‌كان و پڕۆژه‌ ستراتیجییه‌كان  بەئامانجی ئەوەی کارەکانی هەموارکردنەوەی پڕۆژەی یاسای بودجە خێرا بکرێت و گرنگی زیاتر بە پڕۆژەی ئابووری و ژێرخانی بدرێت.

بۆچی گرنگه‌: به‌پێی ڕێككه‌وتنی حكومه‌تی هه‌رێمی كوردستان و عێراق، لەئەگەری هه‌مواركردنه‌وه‌ی یاسای بودجه‌ی 2024، بڕیار وایه‌ مووچه‌ی  مووچه‌خۆرانی هه‌رێمی كوردستان له‌سه‌ر خه‌رجی‌ كرداری بگوازرێته‌وه‌ سه‌ر بودجه‌ی حاكیمه‌، بەمەش کێشەی مووچەخۆران و پلە بەرزکردنەوەی فەرمانبەرانی هەرێمی کوردستان چارەسەر دەبێت.

ئەوەی پێویستە بیزانیت: سوودانی دەیەوێت کارەکانی هەموارکردنەوەی یاسای بودجە خێرا بکرێت، کە ئێستا لە ئەنجوومەنی وەزیرانە و وا بڕیارە دوای پەسەندکردنی ڕِەوانەی پەرلەمان بکرێت بەمەبەستی دەنگدان لەسەری.

زانیاریی زیاتر: پڕۆژە بودجەی عێراق، لە بنەڕەتدا بۆ سێ ساڵە واتە ساڵەكانی 2023 و 2024 و 2025.