کەشناسیی کوردستان: مانگی ئایاری ئەمساڵ لە 30 ساڵی ڕابردوو فێنکتر بووە

ئاڤا نیوز

مانگی ئایاری ئەمساڵ لە 30 ساڵی ڕابردوو فێنکتر بووە و بەڕێوەبەرایەتیی گشتیی بوومەلەرزەزانیی هەرێمی کوردستان پلە تۆمارکراوەکان بڵاو دەکاتەوە.

وێنە گەورەکە: ساڵ دوای ساڵ پلەکانی گەرمی بەرز دەبنەوە و زەوی گەرمتر دەبێت، بۆیە بەردەوام دەزگا ژینگەییەکانی جیهان هۆشیاری دەدەن لەوەی پێویستە ڕووبەڕووی ئەم دۆخە ببنەوە. زۆربەی وڵاتانیش کۆکن لەسەر ئەوەی دەبێت پلانێکی گونجاو بۆ ڕێگریکردن لە بەرزبوونەوەی پلەی گەرما دابنرێت، بەڵام مانگی ئایاری ئەمساڵ لە کوردستان بەراورد بە ناوچەکانی دیکەی جیهان، ئامارێکی جیاواز دەردەخات.

بڵاوکراوەی فەرمی: بەڕێوەبەرایەتیی گشتیی کەشناسی و بوومەلەرزەرانیی هەرێمی کوردستان بڵاویکردەوە، بەپێی داتا تۆماركراوەكانی وێستگەکانی کەشناسیی هەرێمی کوردستان، بەرزترین پلەی گەرمی ساڵانی ڕابردوو بەراورد بە مانگی ئایاری ئەمساڵ زیاترە، چونکە بەرزترین پلەی گەرمی تۆمارکراوی 30 ساڵی ڕابردوو 42 C° بووە.

ئەوەی پێویستە بیزانیت: ئەمساڵ بەرزترین پلەی گەرمیی تۆماركراو لە هەولێر 40 C° ، سلێمانی 39 C°، دهۆك 40 C° بووە.