كەشناسی: سبەی پلەكانی گەرما بەرزتر دەبنەوە

ئاڤا نیوز

بەڕێوەبەرایەتیی كەشناسی و بوومەلەرزەزانیی هەرێمی كوردستان ئاشكرای دەكات ئەمڕۆ ئەگەری كەمێك تاوەباران هەیە و سبەیش پلەكانی گەرما بەرزتر دەبنەوە.

بڵاوكراوەی فەرمی: كەشناسیی هەرێمی كوردستان ڕایگەیاند: ئەمڕۆ پێنجشەممە، ئاسمان ساماڵ و پەڵەهەور دەبێت، لە ناوچە شاخاوییە سنوورییەکانی باکووریش نیمچە هەور دەبێت لەگەڵ ئەگەری کەمێک تاوەباران و بروسکە، پلەكانی گەرماش هاوشێوەی تۆماركراوەكانی دوێنێ دەبن.

زانیاریی زیاتر: كەشناسیی هەرێمی كوردستان ئاماژەی بە ئەوەش داوە كە سبەی ئاسمانی هەرێمی كوردستان ساماڵ و پەڵەهەور دەبێت، پلەكانی گەرماش نزیكەی دوو پلە بەراورد بە ئەمڕۆ بەرزتر دەبنەوە.

لێدوانی فەرمی: شێخ دارا، پێشكەشكاری كەشوهەوای ئاڤا میدیا ڕایگەیاند: لە ڕۆژانی جەژنەوە تاوەكوو دوێنی، باران بە پچڕ پچڕی لە چەند ناوچەیەكی جیاوازی هەرێمی كوردستان دەباری و دوایین شوێنیش زاخۆ بوو كە دوێنی بڕێكی كەم بارانی لێ باری، بەڵام لەمەودوا بارانبارین نامێنێت و وردە وردە پلەكانی گەرما بەرزتر دەبنەوە.

پلە پێشبینیكراوەكانی گەرمای ئەمڕۆی شار و شارۆچكەكانی هەرێمی كوردستان:

هەولێر :  43 پلەی سیلیزی
سلێمانی : 39 پلەی سیلیزی
دهۆک :  41  پلەی سیلیزی
کەرکوک : 46 پلەی سیلیزی  
زاخۆ  :  42 پلەی سیلیزی
هەڵەبجە :41 پلەی سیلیزی
سۆران :  40 پلەی سیلیزی
حاجی ئۆمەران : 27 پلەی سیلیزی
گەرمیان : 46 پلەی سیلیزی