شێخ دارا: گەرمیان بەرزترین پلەی گەرمای تێدا تۆمار دەکرێت

ئاڤا نیوز

بەگوێرەی پێشبینییەکانی کەشوهەوا شەپۆلێکی گەرما ڕووی لە ناوچەکانی هەرێمی کوردستان کردووە، پێشکەشکاری کەشوهەوای ئاڤا دەڵێت 'بەرزترین پلەی گەرما لە ئیدارەی سەربەخۆی گەرمیان تۆمار دەکرێت'.

لێدوانی فەرمی: شێخ دارا، پێشکەشکاری کەشوهەوای ئاڤا ڕایگەیاند: کاریگەری شەپۆلێکی گەرما هاتووەتە ناوچەکە، لە هەولێر مەودای بینین بەهۆی خۆڵبارینەوە لەنێوان دوو تا چوار کیلۆمەتر و لە باشووری عێراق مەودای بینین لە کیلۆمەترێک کەمترە. گەرمترین شوێن لە هەرێمی کوردستان ئیدارەی گەرمیانە کە پلەی گەرما تێیدا دەگاتە 45 پلە، هەروەها نزمترین پلەی گەرما لە حاجی ئۆمەرانە کە پلەی گەرمای 28 پلەیە.

زانیاریی زیاتر: پلەکانی گەرما لە شارەکانی هەرێمی کوردستان بەم شێوەیە.

دهۆک: بەرزترین پلە 33 و نزمترین 20 پلە
زاخۆ: بەرزترین پلە 38 و نزمترین 23 پلە
ئیدارەی سەربەخۆی سۆران: بەرزترین پلە 36 و 19 پلە
ئیدارەی سەربەخۆی ڕاپەڕین: بەرزترین پلە 39 و 26 پلە
 ئیدارەی گەرمیان: بەرزترین پلە 45 و نزمترین 27 پلە
حاجی ئۆمەران: بەرزترین پلەی گەرما 28 و 14 پلە

لەلایەکی دیکەوە: بە وتەی شێخ دارا، پلەی گەرما لە شارەکانی ناوەڕاست و خوارووی عێراق لە نێوان 48 تاوەکو 52 پلە دەبێت.

ئەمەش بزانە: هاوشێوەی ساڵانی ڕابردوو، لە ڕۆژانی 13 و 14ـی مانگی 7ـی ئەمساڵ بەهۆی هەڵگەڕانەوەی پلەکانی گەرماوە ئەگەری بارانبارین لە ناوچەکانی هەرێمی کوردستان دەبێت. شێخ دارا وا دەڵێت.