لە سنووری پارێزگای سلێمانی زیاتر لە دوو هەزار دۆنم زەوی سووتا

ئاڤا نیوز

لە دوو ڕووداوەی ئاگرکەوتنەوە لە سنووری پارێزگای سلێمانی زیاتر لە دووهەزار دۆنم زەوی سووتا و زیانی لە هەزاران داری سرووشتی داوە.

زانیاریی بەدەستهاتوو: بەهۆکارێکى نادیار ئاگرێک لە سنوورى گوندى خەربەندەلووى ناحیەى ئاغجەلەر کەوتووەتەوە ئاگرەکە بەهۆی باوە تەشەنەی کردوو بۆ سنووری بازیان، دوای چەند کاتژمێرێک کۆنتڕۆلکرا.

بڵاوکراوەی فەرمی: بەگوێرەی بڵاوکراوەی پۆلیسی دارستان و ژینگەی سلێمانی، ئاگرەکە لە گوندى خەربەندەلووى ناحیەى ئاغجەلەر  بووە و هۆکاری ئاگرکەوتنەوەکە نادیارە، بەهۆیەوە هەزار و 600 دۆنم زەوی سووتاوە و زیانی لە پێنج هەزار داری سرووشتی داوە.

لەلایەکی دیکەوە: لەڕووداوێکی ئاگرکەوتنەوەی دیکەدا لە گوندی هۆمەرقەوم لە سنووری پارێزگای سلێمانی 500 دۆنم زەوی سووتا و زیان بە هەزار داری سرووشتی کەوت، دوای چوار کاتژمێر کۆنتڕۆلکرا.