پرۆژەیەکی دۆستی ژینگە لە هەولێر دەست بەکار دەکات

ئاڤا نیوز

لە هەولێر کارەکانی جێبەجێکردنی پرۆژەی تێکڕای خەرجیی سفری ئاو تەواو کراون، لەڕێگەیەوە ئاوی ئاوەڕۆ دەپاڵێورێت و بۆ ئاودێری بەکاردەهێنرێت.

چیرۆکی سەرەکی: لە چوارچێوەی هەوڵەکانی حکومەتی هەرێمی کوردستان بۆ ڕووبەڕووبوونەوەی گۆڕانەکانی کەشوهەوا، پرۆژەی تێکڕای خەرجیی سفری ئاو لە شاری هەولێر جێبەجێکرا، ئەم پڕۆژەیە پێکهاتووە لە سیستمی پاڵاوتنی ئاوی ئاوەڕۆ و بەکارهێنانی لە ئاودێریکردنی پارکی شەهید سامی عەبدولڕەحمان.

لێدوانی فەرمی: ئەندازیار پەیمان عەبدوڵڵا، سەرپەرشتیاری پڕۆژەکە بە ئاڤای گوت، ئەم پرۆژەیە قۆناغی جێبەجێکردنی تەواو بووە، یەک هەفتە لە ژێر تاقیکردنەوە دەبێت و دواتر دەبێت بە بەشێک لە سیستمی ئاودێری پارکی شەهید سامی عەبدولڕەحمان.

- ئەو ئاوەی لە پرۆژەی ڕیسایکلینی تێکڕای خەرجیی سفری ئاو دەپاڵێورێت کوالێتیەکەی بەپێی پێوەر و ستانداری جیهانییە و لەلایەن دەستەی ژینگەی پشکنینی بۆ کراوە.

- ئەم پڕۆژەیە هەموو ڕۆژێک 800 مەترسێجا ئاوی پیس دەپاڵێوێت.

شێوازی جێبەجێکردن: ئەم پرۆژەیە ئاوی پیس دەپاڵێوێت کە بۆ ئاودێری پارکی شەهید سامی عەبدولڕەحمان بەکاردێت، له‌ قۆناغه‌كانی داهاتووشدا سیستەمی زیاتری پاڵاوتنی بۆ دادەنرێت و وزەی خۆر بۆ دابینکردنی کارەبا و بەکارهێنانی تەکنەلۆژیای هەستەوەری پێوانی ڕادەی شێ و تەکنیکی سەردەمییانەی ئاودێری بۆ زیاد دەکرێت.

بۆچی گرنگە: بە دەستپێکردنی ئەم بەشەی پرۆژەکە ژمارەیەک لەو بیرانەی بۆ ئاودێری پارکی سامی عەبدولڕەحمان بەکاردەهێنرێن دادەخرێن و بە تەواوبوونی هەموو بەشەکانی پرۆژەکەش لە داهاتوودا بەهیچ جۆرێک ئاوی بیرەکان بۆ ئاودێری پارکەک بەکارناهێنرێن.