دەیان کەس بەهۆی لافاوەکەی تێکساس گیانلەدەست دەدەن

ئاڤا نیوز

ژمارەی گیانلەدستدان بە هۆی لافاوەکەی تێکساسەوە بۆ 70  کەس بەرزبوویەوە و دەیان کەسی دیکەش بێسەروشوێن بوون.

وێنە گەورەکە: ڕۆژی هەینی لافاوێکی کارەساتبار لە ناوەڕاستی تێکساس لە ئەمریکا دروست بوو، تاوەکو ئێستاش شوێنەواری لە هەندێك ناوچەی ویلایەتەکە ماوە کە بووەتە هۆی هەڵکشانی لەناکاوی 20 بۆ 26 پێ لە ڕووباری گوادالوپ لە نزیک کارڤیل، هەروەها بووەتە هۆی زیانێکی زۆری گیانی و دارایی، تیمەکانی فریاکەوتن بەردەوامن لە گەڕان و بە دوای تەرمی بێسەرشوێنەکاندا دەگەڕێن و ناویان لێناوە " گەڕانی بێهیوایی "، هەوڵی دۆزینەوەی تەرمی 11 منداڵ دەدەن کە لە نزیک ڕووبارەکە بەشداربوون لە کەمپێکی هاوینە و لافاو بردوونی.

بڵاوکراوەی فەرمی: بە پێی دوایین ئاماری هێزی فریاکەوتنی خێرای ویلایەتی تێکساس ئەمڕۆ ژمارەی گیانلەدەستدان بە لایەنی کەمەوە بۆ 70 کەس بەرزبووەتەوە،  تەرمی 59 کەسیان دۆزراونەتەوە، 38 کەسیان گەورە و 21 کەسیان منداڵن.
  
بەرپرسان دەڵێن 11 منداڵ هێشتا لە کەمپی میستیک بێسەروشوێنن کە کەمپێکی هاوینەی کچانەیە لە ویلایەتەکە.