گوتەبێژی حکومەتی عێراق: سوودانی لەپێناو کشانەوەی هاوپەیمانان سەردانی ئەمریکا دەکات

ئاڤا نیوز

گوتەبێژی حکومەتی عێراق کارنامەی سەردانەکەی سەرۆکوەزیرانی عێراق بۆ ئەمریکا ئاشکرا دەکات و دەڵێت، ناونیشانی سەردانەکە کۆتاییهێنانە بە ئەرکی هێزەکانی هاوپەیمانان لە عێراق و ئاسۆی پەیوەندییەکانە دوای قۆناغی هاوپەیمانیی نێودەوڵەتی.

 

لێدوانی فەرمی: باسم عەوادی، گوتەبێژی حکومەتی عێراق لە چاوپێکەوتنێکی تەلەڤزیۆنیدا ڕایگەیاند: سەردانی پێشووی محەممەد شیاع سوودانی، سەرۆکوەزیرانی عێراق بۆ ئەمریکا پڕۆتۆکۆڵی بوو، هیچ بەرهەمی نەبوو، بۆیە ئێستا سوودانی دەیەوێت سەردانی ئەمجارەی سەرکەوتووبێت و ئەنجامەکەی کاریگەریی ئەرێنی لەسەر دۆخی  ناوخۆی عێراق هەبێت.

 

قوڵتر: گوتەبێژی حکومەتی عێراق جەختی کردووەتەوە کە کشانەوەی هاوپەیمانیی نیودەوڵەتی لە عێراق لەنێوان هەردوولا یەکلایی کراوەتەوە، بەڵام جیاوازی هەیە لە دەربڕینی دەستەواژەکان لەمبارەوە، بەڵام حکومەت 100 %جددیە لەو بابەتەدا.

 

ئەوەی پێویستە بیزانیت: محەممەد شیاع سوودانى، سەرۆکوەزیرانی عێراق،  ڕۆژی 15-04-2024 لەسەر بانگهێشتی جۆ بایدن، سەرۆکی ئەمریکا سەردانی واشنتن دەکات، بەپێی گوتەی باسم عەوادی، ئەم سەردانەی سوودانی دەبوو لە کۆتاییەکانی 2023 بکرێت، بەڵام بەهۆی هەڵگیرسانی شەڕی غەززەوە دواکەوت و ئێستا کاتەکەی گونجاوە. باسم عەواد وادەڵێت