بە دروستكردنی بەربەستێك ڕێگری لە دابەزینی ئاستی ئاوی پرۆژەی ئاودێری خەبات دەكرێت

ئاڤا نیوز

بەمەبەستی ڕێگریكردن لە دابەزینی زیاتری ئاستی ئاوی پرۆژەی ئاودێری خەبات، بەربەستێك لەسەر ئاوی زێی گەورە دروست دەكرێت و گوژمەی پرۆژەكەش لەلایەن پارێزگای هەولێرەوە دابین دەكرێت.

وێنە گەورەكە: پرۆژەی ئاودێری خەبات، ئاوی سەوز بۆ ڕووبەرێكی فراوانی سەوزایی قەزای خەبات دابین دەكات، جگە لەوەش ڕێڕەوە ئاوییەكە ڕۆڵی سەرەكی هەیە لە كەمكردنەوەی زیانەكانی لافاو و پاككردنەوەی ئاوی زێی گەورە بەتایبەت لە وەرزی باران باریندا.

لێدوانی فەرمی: ئومێد خۆشناو، پارێزگاری هەولێر ڕایگەیاند، بەمەبەستی ڕێگریکردن لە دابەزینی ئاستی ئاوی پرۆژەی ئاودێری خەبات و، لە چوارچێوەی پلانی حکومەتی هەرێمی کوردستان، بەڕێوەبەرایەتی ئاودێری هەولێر لەسەر بودجەی پارێزگای هەوڵێر، هەڵسا بە دروستکردنی بەربەست لەسەر زێی گەورە.

زانیاریی زیاتر: لە ساڵانی ڕابردووشدا لەلایەن بەڕێوەبەرایەتی ئاودێری هەولێرەوە پەرە بە پرۆژەکە درا و لە مانگی 11ـی ساڵی ڕابردوودا، بە گوژمەی 189 ملیۆن دینار، پردێكی 10 چاوە لەسەر كۆڕنیشی پرۆژەكە دروستكرا، ئەمە جگە لە خاوێنكردنەوەی بەردەوامی ڕێڕەوی ئاوی سروشتی باران و ئاوی قورس و كەندەكان لەلایەن تیمەكانی ئاودێری هەولێرەوە.