فایلی خەڵک؛ سووتاندنی زبڵ و خاشاک دانیشتووانی سەنتەری قەزای سیدەکان هەراسان دەکات

ئاڤا نیوز

سووتانی زبڵ و خاشاک لە نزیک سەنتەری قەزای سیدەکان، دانیشتووانەکەی نیگەران کردووە و قایمقامی قەزاکەش بەڵێنی چارەسەری کێشەکەیان دەدات.

چیرۆکی سەرەکی: لەسەر بەرزایەک کە دەروانێتە سەر سەنتەری قەزای سیدەکان شوێنی فڕێدانی زبڵ و خاشاکە، بەڵام سووتانی زبڵ و خاشاکەکە بۆنی پیس بەناو قەزاکە بڵاو دەکاتەوە و دانیشتووانی چەند گەڕەکێکی هەراسان کردووە.

لێدوانی فەرمی: ئیحسان چەلەبی، قائیمقامی قەزای سیدەکان بە ئاڤای وت، "چەند منداڵێک ئاگریان لە زبڵ و خاشاک بەرداوە، چەند جارێک ئەم کارەیان کردووە و بووەتە هۆی دروست بوونی دوکەڵێکی زۆر لەسەر ئاسمانی قەزاکە، لەمەودوا تیمەکانمان هەفتانە دووجار هەموو زبڵەکە ژێر خاک دەکەن".