هۆشداری لە دابەزینی ئاستی ئاوی بەنداوەکانی مەهاباد و بۆکان دەدرێت

ئاڤا نیوز

 

بەرپرسی ئاو و ئاوەڕۆی پارێزگای ورمێ هۆشداری لە دابەزینی ئاستی ئاوی بەنداوەکانی مەهاباد و بۆکان دەدات و داوا لە خەڵک دەکات ئاو بەفیڕۆ نەدەن.

 

وێنە گەورەکە: گۆڕانی کەشوهەوا و بەرزبوونەوەی پلەکانی گەرما لەلایەک و وشکەساڵی و بێبارانیش لەلایەکی دیکەوە کاریگەریی گەورەیان لەسەر کەمبوونەوەی ئاوی ناوچە جیاوازەکانی ڕۆژهەڵاتی کوردستان دروست کردووە، بەرپرسی ئاو و ئاوەڕۆی پارێزگای ورمێش قەیرانی کەمیی ئاو لە پارێزگاکەدا بە مەترسیدار ناو دەبات.

 

لێدوانی فەرمی: لەتیف خۆشسیرەت، بەرپرسی ئاو و ئاوەڕۆی پارێزگای ورمێ ڕایدەگەیێنێت، تەنیا بە بەڕێوەبردنی دروستی سەرچاوەکانی ئاو و هاوکاریی خەڵک لە کەمکردنەوەی بەکارهێنانی ئاودا دەتوانرێت ڕێگە لە پەرەسەندنی کێشەکان بگیرێت، زۆرێک لە ناوچەکانی وڵات ڕووبەڕووی قەیرانی کەمیی ئاو بوونەتەوە و ئێستا لە جاران زیاتر پێویستمان بە پاشەکەوتکردنی ئاو هەیە.

 

ئەوەی پێویستە بیزانیت: بە گوتەی بەرپرسی ئاو و ئاوەڕۆی پارێزگای ورمێ لە مانگی شەشی ئەمساڵدا بەکارهێنانی ئاو لە پارێزگای ورمێ بۆ هەر کەسێک گەیشتووەتە 225 لیتر لە شەو و ڕۆژێکدا، کە زۆر زیاترە لە ستاندارد، چونکە بەپێی کەشوهەوای ناوچەکە بڕی 130 لیتر بۆ هەر کەسێک پێویستە.

 

زانیاریی زیاتر: بەکارهێنانی مانگانەی ئاو لە ورمێ گەیشتووەتە شەش ملیۆن مەتر سێجا، لە کاتێکدا بڕی ستاندارد تەنیا چوار ملیۆن مەتر سێجایە.