وەزارەتی گواستنەوەی هەرێمی کوردستان: وەک عێراق تیکتۆک قەدەغە ناکەین

ئاڤا نیوز

 

وەزارەتی گەیاندنی عێراق کار بۆ قەدەغەکردنی تیکتۆک دەکات و وەزارەتی گواستنەوەی هەرێمی کوردستانی دەڵێت، هەر بڕیارێکی لە جۆرە بدرێت، ئێمە ناگرێتەوە. 

 

چی ڕوویدا؟ دوێنێ دووشەممە وەزارەتی گەیاندنی حکومەتی عێراق ڕایگەیاند، کار بۆ قەدەغەکردنی تۆڕی کۆمەڵایەتیی تیکتۆک دەکەن و داواکارییەکیان لەوبارەیەوە پێشکەشی ئەنجوومەنی وەزیران کردووە.

 

لێدوانی فەرمی: دیلان ڕەشاد، گوتەبێژی وەزارەتی گواستنەوە و گەیاندنی هەرێمی کوردستان بە ئاڤا نیوزی ڕاگەیاند: هەرێمی کوردستان لە بواری ئینتەرنێت ڕێنمایی و یاسایی تایبەت بەخۆی هەیە، داواکاری و ئەگەری بڕیاری قەدەغەکردنی تیکتۆک لەلایەن عێراقەوە، هەرێمی کوردستان ناگرێتەوە".

 

زانیاریی زیاتر: بەکارهێنانی پلاتفۆرنەکانی سۆشیاڵ میدیا، یەکێکە ئازادییە کەسییەکان و حکومەتی هەرێمی کوردستان بە نیاز نییە سنوورداری بکات؛ هەر بەپێی پلانی هەرێمی کوردستان بۆ مافەکانی مرۆڤ، حکومەت کار بۆ مسۆگەرکردن و پاراستنی مافی مرۆڤ دەکات، یەکێک لەوانەش ئازادی کەسییە.