لەڕێگەی ئەم خواردنەوانەی بەیانییانەوە شەکری خوێنت هاوسەنگ بکە

ئاڤا نیوز

لەم ساڵانەی دواییدا گرنگیدان بە خۆراکی تەندروست بۆ دوورکەوتنەوە لە قەڵەوی و پاراستنی وزە و ئاستی شەکری خوێن پەرەی سەندووە.

چیرۆکی سەرەکی: بەپێی هەواڵێکی ڕۆژنامەی (Indian Express) بەکارهێنانی یەکێک لەو هەشت خواردنەوەیە دەتوانێت یارمەتیدەر بێت بۆ هاوسەنگکردنی شەکری خوێن:

1. ئاوی لیمۆ

ئاوی لیمۆ هەستیاریی ئەنسۆلین باشتر دەکات و یارمەتیی هەرسکردن و شێدارکردنی جەستە دەدات.

2. ئاوی ڕەشکە

ئاوی ڕەشکە چارەسەرێکی سرووشتییە و لەڕێگەی خاوکردنەوەی هەرسکردنی کاربۆهیدراتەکان یارمەتیی ڕێکخستنی شەکری خوێن دەدات.

3. چای دارچین

چای دارچین توانای بەرزکردنەوەی هەستیاریی ئەنسۆلین و دابەزاندنی ئاستی گلوکۆزی خوێنی هەیە.

4. چای سەوز

چای سەوز دەوڵەمەندە بە دژە ئۆکسێنەر کە گۆڕانی کیمیایی گلوکۆز و سووتاندنی چەوری باشتر دەکات.

5. شەربەتی ئالۆڤێرا

خواردنەوەی بڕێکی کەم لە شەربەتی ئالۆڤێرا دەبێتە هۆی دابەزاندنی ئاستی شەکری خوێن و باشترکردنی تەندروستیی ڕیخۆڵە.

6. سرکەی سێو

تێکەڵکردنی کەوچکێک سرکەی سێو لەگەڵ ئاوی گەرم و خواردنەوەی بەیانیان لە خورێنیدا یارمەتی ڕێکخستنی بەرزبوونەوەی شەکری خوێن دەدات.

7. ئاوی زەردەچەو

ئەم خواردنەوە زێڕینە و دژە هەوکردنە یارمەتیی بەڕێوەبردنی بەرگریی ئەنسۆلین دەدات و پشتگیری لە کارکردنی جگەر دەکات.

8. ئاوی جۆ

ئاوی جۆ دەوڵەمەندە بە ڕیشاڵ، شەکری خوێن بە جێگیری دەپارێزێت و هەستکردن بە تێربوون باشتر دەکات.