یەکێتیی ئەوروپا ڕێوشوێنی نوێ دژی کۆمپانیا گەورەکانی تەکنەلۆژیا دەگرێتەبەر

ئاڤا نیوز

کۆمیسیۆنی ئەوروپا ڕێوشوێنی نوێ  دژی کۆمپانیاکانی ئەپڵ، ئەلفابێت (ج) و مێتا (فەیسبووک و ئینستاگرام) بەهۆی پێشێلکردنی یاساکانی کێبڕکێی ئەوروپا دەگرێتەبەر.

وێنە گەورەکە: ماوەی چەند مانگێکە برۆکسل لە گفتوگۆدایە لەگەڵ سێ کۆمپانیا زەبەلاحەکەی  ئەمریکی سەبارەت بە پلانەکەی بۆ پابەندبوون بەو ڕێسایانەی لە سەرەتای مانگی ئادارەوە کەوتنە بواری جێبەجێکردنەوە.

لێدوانی فەرمی: تیێری بریتۆن، کۆمیساری ئەوروپا بۆ کاروباری دیجیتاڵی ڕایگەیاند "لە ئێستاوە دەتوانین گۆڕانکاری لە بازاڕدا ببینین، بەڵام بڕوامان بەوە نییە ئەو چارەسەرانەی لەلایەن ئەلفابێت و ئەپڵ و مێتا پێشنیازکراون پابەندبوونەکانیان بەجێبهێنن".

لە لایەکی دیکەوە: دانیال فریدلاندەر، سەرۆکی لقی ئەوروپی گرووپەکە دەڵێت، ئەم بڕیارە بەپەلە دراوە، لەبەرئەوەی کۆکردنەوەی زانیارییەکان کاتی دەوێت، دۆخەکە وا دەردەکەوێت یەکێتیی ئەوروپا پەلە بکات لە لێکۆڵینەوەکان بەبێ ئەوەی بزانێت لێکۆڵینەوە لە چی دەکات.

ئەوەی پێویستە بیزانیت: چەندین ساڵە ئەم کۆمپانیا گەورانە بە خراپ بەکارهێنانی پێگەکانیان تۆمەتبار دەکرێن. بەهۆی نەبوونی یاسایەک بۆ ڕێگریکرن و سنووردارکردنیان، دەسەڵاتی جێبەجێکاری ئەوروپا هیوادارە یاسا نوێیەکان چەکێکی یاسایی دابین بکەن کە بتوانێت ڕووبەڕووی پێشێلکارییەکان ببێتەوە.

کاریگەری و لێکەوتەکان: ئەم بڕیارە لەناکاوە کۆمپانیا گەورەکانی بواری ئەلیکترۆنییان نیگەران کردووە، ئەمە لەکاتێکدایە ئەو کۆمپانیایانە ژمارەیەکی زۆر بەکارهێنەریان لە سەرتاسەری جیهاندا هەیە.