كۆریای باكوور كۆبوونەوەی لوتكە لەگەڵ ژاپۆن ڕەتدەكاتەوە

ئاڤا نیوز

كۆریای باكوور ڕەتیدەكاتەوە، كۆبوونەوەی لوتكە لە نێوان سەرۆكی كۆریای باكوور و سەرۆكوەزیرانی ژاپۆندا بكرێت.

وێنە گەورەكە:ڕۆژی 25-3-2023 ژاپۆن داوای لە كۆریای باكوور كرد، كۆبوونەوەی لوتكە لە نێوان لە نێوان كیم جۆن ئون سەرۆكی كۆریای باكوور و  فومیۆ كیشیندا، سەرۆكوەزیرانی ژاپۆن بكرێت، كۆریای باكوور ڕەتیدەكاتەوە و دەڵێت هیچ نیازێكیان نییە بۆ ئاسایی كردنەوەی پەیوەندییەكانیان.

لێدوانی فەرمی:  كیم یۆ جۆنگ، خوشكی كیم جۆن ئون ڕایگەیاند: بەپێویستی نازانین، كۆبوونەوەی لوتكە بكرێت، چونكە نیازمان نییە هیچ جۆرە ئاساییكردنەوەیەك لە پەیوەندیەكانماندا لەگەڵ ژاپۆندا ڕووبدات.

بۆچی گرنگە: كێشە سەرەكییەكانی نێوان ژاپۆن و كۆریای باكوور پەیوەستن بە پرسی قەرەبووكردنەوەی تاوانكارییەكانی ژاپۆن لە كاتی داگیركردنی كۆریای باكوور لە نێوان ساڵانی 1910 بۆ 1945، هەروەها پرسی تاقیكردنەوە مووشەكییەكانی كۆریای باكوور كە بە ئاسمانی ژاپۆندا دەیانهاوێژێت.