پلەکانی گەرمای هەرێمی كوردستان نزم دەبنەوە

ئاڤا نیوز

بەگوێرەی كەشوهەوای پێشبینیكراوی 48 كاتژمێری داهاتوو، پلەكانی گەرما لە هەرێمی كوردستان، یەك بۆ دوو پلە دادەبەزن؛ نزمترین پلە لە حاجی ئۆمەران تۆماردەكرێت كە 31 پلەی سیلیزییە و بەرزترین پلەی گەرماش لە كەركووك و ئیدارەی گەرمیان تۆمار دەكرێت كە لەنێوان 44 و 45 پلەی سیلیزی دەبێت.

ڕاگەیێنراوی فەرمی: بەڕێوەبەرایەتی گشتیی کەشناسی و بوومەلەرزەزانیی هەرێمی كوردستان، كەشی پێشبینیكراوی 48 كاتژمێری داهاتووی بڵاوكردووەتەوە و ئاماژەی بەوە كردووە، بەهۆی چالاكبوونی بای باكووری ڕۆژئاوا كە خێراییەكەی لەنێوان 10 بۆ 20 كیلۆمەتر دەبێت لە كاتژمێرێكدا، كەشوهەوا بە ڕاددەیەكی نزم فێنك دەبێتەوە و بەهۆیەوە پلەكانی گەرما بەراورد بە ڕۆژانی ڕابردوو، یەك بۆ دوو پلە دادەبەزن.

پەیوەست بەم بابەتە: پێشتر شێخ دارا، پسپۆڕی كەشناسی و پێشكەشكاری پێشبینییەكانی كەشوهەوا لە ئاڤا میدیا، هەموو ئەو دەنگۆیانەی ڕەتكردەوە كە پلەكانی گەرمای هەرێمی كوردستان هاوشێوەی ناوچەكانی ناوەڕاست و خوارووی عێراق بگاتە نیوەی پلەی كوڵان.

ئەوەی پێشبینی دەكرێت: کەشى پێشبینیکراوى 48 کاتژمێرى داهاتووی ناوچە جیاوازەكانی هەرێمی كوردستان:

هەولێر :  44 پلە

سلێمانی : 41 پلە

دهۆک :  42  پلە

کەرکوک : 45 پلە

زاخۆ  :  43 پلە

هەڵەبجە : 42 پلە

سۆران :  40 پلە

حاجی ئۆمەران : 31 پلە

گەرمیان: 44 پلە