ڕووسیا و کۆریای باکوور پەیوەندی هەواڵگرییان چڕ دەکەنەوە

ئاڤا نیوز

سەرۆکی دەزگای هەواڵگریی ڕووسیا بۆ گفتوگۆکردن لەبارەی هەماهەنگی کاری ئاسایش و هەواڵگری، لە سەرەتای ئەم هەفتەیەدا، سەردانی پیۆنگیانگی کردووە و باسی ڕووبەڕووبوونەوەی جووڵەی هەواڵگرییان کردووە.

 

چیرۆکی سەرەکی: سێرگی ناریشکن، سەرۆکی دەزگای هەواڵگریی دەرەکیی ڕووسیا لە 25-27ـی ئەم مانگە سەردانی کۆریای باکووری کردووە و لەگەڵ وەزیری ئاسایشی وڵاتەکەدا کۆبووەتەوە.

 

لێدوانی فەرمی: میدیای فەرمیی کۆریای باکوور ڕایگەیاند: "دوو بەرپرسەکە باسیان لە پتەوکردنی هەماهەنگییەکانیان کردووە بۆ ڕووبەڕووبوونەوەی جووڵەی هەواڵگری و پیلانگێڕیی هێزە دووژمنکارەکان، کە هەمیشە لە برەودان".

 

زانیاریی زیاتر: ڕووسیا و کۆریای باکوور لە کەشێکی هەڤاڵانە و دۆستانەدا، گەیشتوونەتە کۆدەنگییەکی تەواو لەبارەی پرسی  ڕووبەڕووبوونەوەی "جووڵەی هەواڵگری و پیلانگێڕیی هێزە دووژمنکارەکان".