هەفتەی داهاتوو لیستی مووچەی پێشمەرگە و هێزە ئەمنییەکان ڕادەگەیێنرێت

ئاڤا نیوز

 

ئەمڕۆ وەزارەتی دارایی و ئابووریی حکومەتی هەرێمی کوردستان لیستی مووچەی وەزارەتەکانی ڕاگەیاند، بەڵام ناوی هێزەکانی پێشمەرگە و هێزە ئەمنییەکان و سەرۆکایەتییەکانی تێدا نەبوو، بەهۆی ئەوەی لە بەغداوە پارەکەیان نەنێردراوە.

لێدوانی فەرمی: سەرچاوەیەک لە وەزارەتی دارایی هەرێمی کوردستانەوە، کە ئاگاداری هاتنی پارە و دانانی لیستەکەیە تایبەت بە ئاڤا نیوزی ڕاگەیاند:” چاوەڕێی هاتنی پارەین لە بەغداوە بۆ ئەو وەزارەتانە، بەهۆی ئەوەی لەلایەن دیوانی چاودێری دارایی عێراق وردبینی بۆ لیستی ئەو مووچەخۆرانە تەواونەبووە کە لەلایەن حکومەتی هەرێمی کوردستانەوە بە کۆد نێردراون، ناردنی پارە دواکەوتووە.

زانیاریی بەدەستهاتوو: بەپێی زانیارییەکانی ئاڤا نيوز، حکومەتی عێراق لەسەر ناردنی پارە ڕەزامەندی داوە، هەفتەی داهاتوو پارەکە لە بەغداوە دێت، دەستبەجێ لیستی مووچەی هێزە ئەمنییەکان و سێ سەرۆکایەتییەکەی هەرێمی کوردستان ڕادەگەیێنرێت و لیستەکە لەمانە پێکدێت:

_سەرۆکایەتیی هەرێمی کوردستان
_ سەرۆکایەتیی ئەنجوومەنی وەزیران
_ سەرۆکایەتیی پەرلەمان
_یەکەی 70 و 80 ی هێزی پێشمەرگە
-وەزارەتی پێشمەرگە
- ئەنجوومەنی ئاسایش
-وەزارەتی پێشمەرگە
-بەڕێوەبەرایەتیی ڕەگەزنامە

_هێزەکانی زێرەڤانی و بەرگری و فریاکەوتن
- لیواکانی دامودەزگا نەوتییەکان