ملیاردێرێکی ئەمریکی بە 25 ساڵ بەندکردن سزادرا

ئاڤا نیوز

دادگەیەکی ئەمریکی، سام بانکمان-فراید، ملیاردێری بواری دراوی ئەلکترۆنی بە 25 ساڵ بەندکردن و 11 ملیار دۆلار پێبژاردن سزا دا. 

وێنە گەورەکە: سام بانکمان-فراید، کە بە (SBF)ـیش ناسراوە، خاوەندارێتیی کۆمپانیای (FTX )ـی کردووە کە تایبەت بووە بە ئاڵوگۆڕی دراوای ئەلیکترۆنی و لەو ڕێگەوەی هەشت ملیار دۆلاری بەشداربووانی بردووە. بە گوێرەی بڕیاری دادگە ئەو لە بەر "بڕیارە خراپەکانی" پەیوەست بە بازرگانیی دراوی ئەلکترۆنی سزا دراوە. 

زانیاریی زیاتر: سام بانکمان-فراید گوتویەتی نەیزانیوە ئەو کارانەی ئەو پێشێلکردنی یاسا داراییەکانە.
باکگراوند: سام بانکمان-فراید لەدایکبووی 1992ـە. ئەو بەر لە دەرچوونی بڕیارەکەی دادگە، داوای لێبووردنی لە کڕیار، وەبەرهێنەر و کارمەندانی کۆمپانیای FTX   کرد.