بەبڕی نزیکەی 19 ملیۆن دۆلار سه‌رپێچی و گەندەڵی له‌ گرێبه‌ستە نه‌وتییه‌كانی میسان دەکرێت

ئاڤا نیوز

ده‌سته‌ی ده‌ستپاكی فیدراڵی عێراق، جێبه‌جێكردنی پرۆسه‌یه‌كی ده‌ستبه‌سه‌رداگرتنی له‌ كۆمپانیای نه‌وتی میسان ئاشكراكرد. 

 

ڕاگەیێنراوی فەرمی: ده‌سته‌ی ده‌ستپاكی فیدراڵی عێراق ڕاگەیاند: له‌ گرێبه‌ستی جێبه‌جێكردنی قۆناغی سێیه‌می پرۆژه‌ی دروستكردنی بۆری گواستنه‌وه‌ی نه‌وت به‌درێژایی 13 كیلۆمه‌تر له‌ كێڵگه‌ی نه‌وت و غازی كێڵگه‌ نه‌وتییه‌كانی میسان، به‌بڕی 18 ملیۆن 650 هه‌زار دۆلار سه‌رپێچی ئاشكرا بووە.

 

ڕێككه‌وتنەکە بەمشێوەیە: ڕێککەوتن له‌گه‌ڵ كۆمپانیای خزمه‌تگوزارییه‌ نه‌وتییه‌كان كراوه‌ بۆ ئه‌وه‌ی  چوار كیلۆمه‌تر لە  پڕۆژەكه‌ به‌خۆڕایی جێبه‌جێ بكات، به‌ڵام ده‌سته‌ی كێڵگه‌ نه‌وتییه‌كانی میسان فه‌رمانێكی ده‌ركردووه‌ بۆ گۆڕانكاریكردن له‌ پرۆژه‌كه‌ به‌بڕی زیاتر له‌ یەک ملیۆن دۆلار، جگه‌ له‌ بڕی گرێبه‌سته‌كه‌، ئه‌مه‌ به‌بێ دانوستان بۆ كه‌مكردنه‌وه‌ی بڕی پاره‌كه‌ بكرێت، به‌مه‌به‌ستی قۆستنه‌وه‌ی بڕی جیاوازی ئه‌و پاره‌ی كه‌ كۆمپانیاكه‌ به‌خۆڕایی جێبه‌جێی كردووه‌.