نزیکەی شەش هەزار مامۆستای کەرکووک لەڕێگەی هەژماری من مووچە وەردەگرن

ئاڤا نیوز

مامۆستایانی خوێندنی کوردی لەکەرکووک یەکەم مووچەیان لەڕێگەی هەژماری من وەردەگرن، بۆ مانگەکانی داهاتوو سەرجەمیان کارتی بانکی وەردەگرنەوە و مووچەکانیان ڕادەکێشن.

وێنە گەورەکە: هەشت هەزار و 500 مامۆستا و فەرمانبەری خوێندنی کوردی لە کەرکووک، هەشت هەزار و 450 کەس خۆیان لە پڕۆژەی هەژماری من تۆماکردووە، نزیکەی 30 کەس ماون فۆڕم پڕبکەنەوە.

لێدوانی فەرمی: کامەران عەلی، بەڕێوەبەری خوێندنی کوردی لە کەرکووک بە ئاڤای گوت، "بەشداربووان لە ڕێگەی هەردوو بانکی بازرگانی عێراق و بانکی ئیسلامی عێراقی، یەکەم مووچەیان بە دیجیتاڵی وەردەگرن بۆ ئەو مەبەستەش ژمارەیەک ئامێری ATM لە ناوچە کوردنشینەکان دانراون."

زانیاریی زیاتر: بە گوتەی بەڕێوەبەری خوێندنی کوردی لە کەرکووک، ژمارەی ئەو مامۆستا و فەرمانبەرانەی کە لەڕێگەی هەژماری من مووچە وەردەگرن نزیکەی شەش هەزار کەسن، ئەو ڕێژەی ماوە لە ماوەی داهاتوو کارت وەردەگرنەوە و دەتوانن لەڕێگەی ئامێرەکانەوە مووچەکانیان ڕابکێشن.