ئاریشا سێ قوتابخانێن دھۆكێ یێن بەر لەھیێ كەفتین ھاتە چارەسەركرن

ئاڤا نیوز

 

لەھیا باژێرێ دھۆكێ یا ل ١٩ێ ڤێ ھەیڤێ دروستبووی، زیان گەھاندیە ژمارەكا ئاڤاھیێن حكومەتا ھەرێما كوردستانێ ژ وان ژی بەشەك ژ وان مزگەفت و قوتابخانەنە و ئاریشا وان ھاتە چارەسەركرن.

 

بۆچی گرنگە: پەیوەندی ب رێڤەچوونا پرۆسێسا خواندنێ ڤە ھەیە ل دھۆكێ.

 

داخویانیا فەرمی: فادیا عەبدولقەھار، رێڤەبەرا پەروەردا دھۆك رۆژھەلات بۆ ئاڤا نیوز دیاركر: ھەرسێ قوتابخانێن ھەلویست یا ئامادەیی و چرا یا بنەرەت و ھاوكاری یا بنەرەت یا ئێڤاری كۆ د ناڤ ئێك ئاڤاھی دابوون، لەھیا باژێرێ دھۆكێ درۆستبووی زیانێن مەزن گەھاندبوونە وان سێ قوتابخانان، زیانێن مەزن بەر ب كۆگەھێن وان ژوورێن كارگێری و كەلوپەلان گەھشتیە.

 

زانیاریێن زێدەتر: مە ئاریشا وان سێ قوتابخانان چارەسەركریە ب ڤی رەنگی كو قوتابخانا ھەلویست یا ئامادەی چوو د ئاڤاھیەكێ دیتر دا كو بەری نوكە ھاتبوو چولكرن، قوتابخانا چرا یا بنەرەت چوو دگەل قوتابخانا ئازادی وەكو دەواما دووێ، قوتابخانا ھاوكاری یا بنەرەت یا ئێڤاری چوو دگەل قوتابخانا پێشەوا یا ئێڤاری، ھەلبەت مە راپۆرتا زیانان رادەستی لایەنێن پەیوەندیدار كریە كو ئاڤاھیێ زیان گەھشتیێ بھێتە نوژەنكرن، ھەتاكو دھێنە نووژەنكرن دێ دەوام ل ناڤ وان قوتابخانێن دیاركری دا برێڤەچیت.