کۆمپانیایەکی خۆراک لە ژاپۆن کێشەی تەندروستی دروستدەکات

ئاڤا نیوز

بەرپرسانی تەندروستیی ژاپۆن هەڵمەتێكیان بۆ سەر کارگەیەکی بەرهەمهێنانی ماددەی خۆراکیی تەواوکەر دەستپێکردووە، کە تۆمەتبارە بەوەی بەهۆی بەرهەمەکانیەوە پێنج کەس گیانیان لەدەستداوە و زیاتر لە 100 کەسیش ڕەوانەی نەخۆشخانە کراون.

وێنە گەورەکە: کارگەی ئۆساکا سەر بە کۆمپانیای دەرمانی (کوباشی فارماسیوتیکاڵ)ـیە. گومان دەکرێت بە هۆی بەکاربردنی بەرهەمەکانی ئەم کارگەیەوە کێشەی تەندروستی و وەستانی گورچیلە بۆ بەکاربەران دروست بوو بێت. 

زانیاریی زیاتر: کۆمپانیای کوباشی ڕایگەیاندووە لە ماوەی سێ ساڵی ڕابردوودا نزیکەی یەک ملیۆن دانە لە بەرهەمەکانی پەیوەست بە تەواوکەری خۆراکی فرۆشتووە کە کڕینیان لە دەرمانخانەکان پێویستیی بە ڕەچەتەی پزیشکی نییە. کۆمپانیاکە بەرهەمێکی بە ناوی (بێنیکۆجی) بە کارگەکانی دیکە فرۆشتووە و بەشێک لە بەرهەمەکانیشی ڕەوانەی دەرەوە کردووە.