سەرجەم بارمتەکانی هۆڵەندا ڕزگار کران

ئاڤا نیوز

دوای ئەوەی ژمارەیەک کەس لە یانەیەکی شارۆچکەی (ئێدێ) لە ناوەڕاستی هۆڵەندا بە بارمتە گیران؛ پۆلیس بارمتەگرەکەی دەستگیر کرد و بارمتەکانیشی ڕزگار کرد.

ڕاگەیێنراوی فەرمی: پۆلیسی هۆڵەندا ڕایگەیاند "سێ کەس کە بە بارمتە گیرا بوون ئازاد کران. هیچ ئاماژەیەکی تیرۆریستیبوونی ڕووداوەکە لە ئارادا نییە." 

زانیاریی زیاتر: شارەوانیی ئێدێ داوای لە هاوڵاتیان کردووە خۆیان لە پۆستکردن و شەیرکردنی وێنە و ڤیدیۆی ڕووداوەکە بە دوور بگرن تا تایبەتمەندیی کەسیی بارمتەگیراوەکان پارێزراو بێت. 

ئەوەی پێویستە بیزانیت: لە ئۆپەراسیۆنی ڕزگارکردنی بارمتەکاندا، پۆلیس باڵەخانەکانی نزیک ڕووداوەکەی چۆڵ کرد و بەشی ناوەڕاستی شارۆچکەکەی بە ڕووی هاتووچۆدا داخست.