لە عێراق هۆشداری لە کارەساتێکی ژینگەیی دەدرێت

ئاڤا نیوز

ڕێکخراوێکی ژینگەپارێز، هۆشدارییەکی مەترسیدار لەسەر ناوچە شوێنەوارییە جیهانییەکان لە زۆنگاوەکانی جەبایشی پارێزگای زیقار دەدات.

وێنە گەورەکە: بەهۆی گۆڕانی کەشوهەوا و کەمبوونەوەی ڕێژەی بارانبارین و کەمبوونەوەیەکی بەرچاو لە سەرچاوەکانی ئاو لە وڵاتانی دراوسێ،  عێراق ڕووبەڕووی قەیرانێکی وشکەساڵیی تووند بووەتەوە کە بە یەکێک لە مەترسیدارترین ئاڵنگارییە ژینگەییەکان لە مێژووی نوێیدا دادەنرێت.

ڕاگەیێنراوی فەرمی: ڕێکخراوی "جەبایش" بۆ گەشتیاریی ژینگەیی ڕایگەیاند:  ژمارەیەکی زۆر لە شوێنە گەشتیارییەکانی زۆنگاوەکان،  کە لە لیستی میراتی جیهانی یونسکۆدا تۆمارکراون دووچاری وێرانکاری بوونەتەوە و سەرچاوەی داهاتی دانیشتووانی ناوچەکانی دەورووبەریشی بەتایبەتی ناوچەی جەبایش بەرەو لەناوچوون چووە.

زانیاریی زیاتر: ڕێکخراوەکە جەختیشی کردەوە کە "بارودۆخی سەختی کەشوهەوا و کەمبوونەوەی ژمارەی گەشتیاران، کاریگەریی لەسەر قووڵبوونەوەی قەیرانەکە هەبووە، چونکە حکومەت هیچ پلانێکی پاڵپشتیی بۆ دانیشتووانی ئەو ناوچانە نییە.

چاره‌سه‌ره‌كان: ڕێکخراوەکە داوای هەڵسەنگاندنێکی زانستیی گشتگیر بۆ زیانەکان، بەپێی پێوەری ژینگەیی و ئابووری و کۆمەڵایەتیی و قەرەبووکردنەوەی خاوەن پڕۆژە گەشتیارییە زیانلێکەوتووەکان دەکات.