لە هەولێر پێنج پاركی گەورە دروست دەكرێن

ئاڤا نیوز

لە پێنج شوێنی جیای شاری هەولێر، پێنج پارکی گەورە دروست دەکرێت و لەو چوارچێوەیەدا 40 هەزار داری جیاواز دەچێندرێن.

وێنە گەورەکە: لەپێناو زیادکردنی ڕێژەیی سەوزایی و پاراستنی ژینگە، لە ناوەندی شاری ھەولێر لە سەر ڕووبەری 200 دۆنم زەوی دەست کراوە بە دروستکردنی 5 پارکی گەورە، کە تێیدا 40 ھەزار دار دەچێندرێت و ئەمساڵیش هەر پێنج پارکەکە تەواو دەکرێت.

ڕاگەیێنراوی فەرمی: بەپێی ڕاگەیێنراوێکی پارێزگای هەولێر، پێنج پارکەکە دەکەونە پێنج شوێنی جیای ناوەندی شاری هەولێر کە ئەمانەی خوارەوەن:-

- پارکێک لە  نزیک شەقامی 120 مەتری، لەسەر ڕووبەری 80 دۆنم زەویی و نزیکەی 8 ھەزار داری تێدا دەچێندرێت، ئێستا نزیکەی 70%ی کارەکانی تەواو بووە.

- پارکی ڕەشکین لەسەر ڕووبەری 47 دۆنم زەویی و 16 ھەزار داری تێدا دەچێندرێت و ئێستا  50%ی کارەکانی تەواو بووە.

- پارکی گەڕەکی نازدار لە سەر ڕووبەری 4 دۆنم زەویی و 6 ھەزار داری تێدا دەچێندرێت و لە 80%ی کارەکانی تەواو بووە.

- پارکی گەڕەکی ژیان لەسەر ڕووبەری 7 دۆنم زەویی و 5 ھەزار داری تێدا دەچێندرێت، کە ئەویش 70%ی کارەکانی تەواو بووە.

-    پارکی یەکتربڕی شەقامی 150 مەتری کە ڕووبەرەکەی 60 دۆنمە و کارکردن تیایدا بەردەوامە.

ئەوەی پێویستە بیزانیت: لە شاری ھەولێر 26 پارکی گەورە و 204 باخچەی بچووک و 209 دارستان و 163 دوورگەی ناوەندی و 109 نافوورە هەن.