لە هەولێر بەهۆی سەرپێچییەک 29 گەڵابە پاشماوەی بیناسازی بە شۆفێرێک پاککرایەوە

ئاڤا نیوز

لەم چەند ڕۆژە شۆفێری گەڵەبەیەک پاشماوەی بیناسازی لە شوێنێکی چۆڵەوانی هەولێر فڕێدا بوو. بەڕێوەبەرایەتی خزمەتگوزاری هەولێر وەک سزایەک، پاککردنەوەی گۆڕەپانێکیان خستە ئەستۆی شۆفێرەکە.

وێنە گەورەکە: بەڕێوەبەرایەتی خزمەتگوزاری ژینگەپارێزیی هەولێر ماوەی چەند ساڵێکە جۆرێک سزای پەیڕەو دەکات، هەر شۆفێرێک پاشماوەی بیناسازی لە نزیک گەڕەکەکان فڕێ بدات، وەکو سزا گۆڕەپانێکی پێ پاک دەکرێتەوە.

لێدوانی فەرمی: ژیار جەلال، بەڕێوەبەرایەتی خزمەتگوزاری ژینگەپارێزیی هەولێر بە ئاڤا میدیای وت، کارمەندانی شارەوانی لە سنووری شارەوانییەکان بەردەوام چاودێری دەکەن، هەر گەڵابەیەک پاشماوەی هەڵگرتبێ و بە ئاراستەی زبڵخانەی کانی قرژاڵە نەچێت بەدواداچوونی بۆ دەکەن، دوای ئەوەی دەردەکەوێت ئەو شۆفێرە لە نزیک ئاوەدانی پاشماوەکە فڕێ دەدات، ڕێکاری بەرامبەر دەگیرێتەبەر.

زانیاریی زیاتر: بەوتەی ژیار جەلال، ئەمساڵ زیاتر لە 20 شۆفێری گەڵابەیان بەهەمان شێوە سزا داوە. سەبارەت بەو شۆفێرەش ئەمڕۆ هەینی ناچار کرا، لە گەڕەکی کارێزان، تەنیشت مزگەوتی ئیمان لە سنووری شارەوانی چوار. 29 گەڵاب پیسی پێ پاککرایەوە کە نزیکەی 350 مەتر سێجا پاشماوەی بیناسازی دەبوو.

ئەوەی پێویستە بیزانیت: بەگوێرەی ڕێنمایی بەڕێوەبەرایەتی خزمەتگوزاری ژینگەپارێزیی هەولێر هەموو پاشماوەیەکی بیناسازی پێویستە ببرێتە زبڵخانەی کانی قرژاڵە.