نزیکەی 70 ئاسکی کێوی لە سنووری شەمامک دەبینرێن

ئاڤا نیوز


لە ناوچەی زورگەزراوی دەشتی شەمامک، ساڵانە ژمارەیەک ئاسکی کێوی دەبینرێن و بەناوچەکەدا دەسووڕێنەوە، هاووڵاتییەکی دانیشتووی ئەو سنوورە ڤیدیۆی گرتوون و بۆ ئاڤای ناردووە.

چیرۆکی سەرەکی: ئەو جۆرە ئاسکانە بە ئاسکی قەرەچووغ ناسراون، ساڵانە لە وەزری بەهار لەسنووری ناحییەی شەمامک دەردەکەون و لە ئاواییەکان نزیک دەبنەوە. بەگوتەی دانیشتووانی ناوچەکە پێشووتر ڕاودەکران، بەڵام ئێستا کەس ناتوانێت ڕاویان بکات.

لێدوانی فەرمی:  دڵشاد لەک، ئەو هاووڵاتییەیە کە ڤیدیۆکانی بۆ ئاڤا ناردووە، دەڵێت، "بۆ ماوەی زیاتر لە سێ کاتژمێر خۆم مەڵاسداوە بۆ ئەوەی بتوانم ڤیدیۆی ئەو ئاسکانە بگرم، هەندێ جار 70 دانەن، جار جارەش 30 بۆ 40 دانە دەرەکەون، وەزری هاوین ون دەبن، بەڵام لە بەهاردا بۆ پەیداکردنی خۆراک زیاد دەبن."

زانیاریی زیاتر: بەگوتەی ئەو هاووڵاتییە، لە گوندی سیاو خاوەنی زەوییەک شوێنەکەی بۆ دابینکردوون پڕیکردووە لە دەغڵ و دان، بۆ ئەوەی ئاسکەکان لێی کۆببنەوە و خواردن بخۆن.