تا ڕۆژی هەینی ئەنجامی هەڵبژاردنی شارەوانییەكانی توركیا ڕادەگەیێنرێت

ئاڤا نیوز

بە بڕیاری ئەنجوومەنی باڵای هەڵبژاردنەکانی تورکیا، تاوەکو 14 نیسان پارتە سیاسییەکانی تورکیا دەتوانن تانە لە ئەنجامی هەڵبژاردنەکان بدەن.

بۆچی گرنگە: تاوەکو کاتی نارەزایەتی و تانەدان لە ئەنجامی هەڵبژاردنەکان کۆتایی نەیەت، ئەنجامی هەڵبژاردنەکان لەلایەن ئەنجوومەنی باڵای هەڵبژاردنەکان بە فەرمی ڕاناگەیێنرێت. بە گوێرەی ئەو بریارە  لەم هەفتەیەدا تا رۆژی هەینی ئەنجامەکان  بۆ ڕای گشتی ئاشکرا دەکرێت.

شێوازی جێبەجێکردن: 
تانەدان لە دەستەی هەڵبژاردنی قەزاکان تا کاتژمێر 3.00ی 2-4 دەبێت. 
بۆ دەستەی هەڵبژاردنی پارێزگاکان تا کاتژمێر 5.00ی رۆژی هەینی 5-4 دەبێت.
ناڕەزایەتی ئاسایی ئەنجوومەنی باڵای هەڵبژاردنەکان تا کاتژمێر 5.00ی ئێوارەی 10-4 تاوەکو هەمان کاتی  14-4 دەبێت.

ئەوەی پێویستە بیزانیت: بە گوێرەی ئەنجامە بەراییەکان: جەهەپە براوەی تورکیایە و 35 شارەوانی گەورەی بەدەستهێناوە و هەریەک لە  ئاکپارتی 24 شارەوانی، دەم پارتی 10 شارەوانی،مەهەپە 8 شارەوانی، رەفایی نوێ 2 شارەوانی، ئیی پارتی 1 شارەوانی، بەبەپە 1 شارەوانی گەورەیان بەدەستهێناوە.

باکگراوند: 31 ئادار هەڵبژاردنی شارەوانییەکانی تورکیا لە 81 پارێزگا بە بەشداری 61 ملیۆن دەنگدەر لە باکووری کوردستان و تورکیا بەڕێوەچوو.