کەشناسی: ئەمڕۆ و سبەی پلەکانی گەرما چەند پلەیەک نزم دەبنەوە

ئاڤا نیوز

بەڕێوەبەرایەتیی کەشناسی و بوومەلەرزەزانیی هەرێمی کوردستان ئاشکرای دەکات ئەمڕۆ چوار پلە و سبەیش پلەکانی گەرما سێ پلە دادەبەزن.

ڕاگەیێنراوی فەرمی: کەشناسیی هەرێمی کوردستان بڵاوی کردەوە: ئەمڕۆ ئاسمان ساماڵ دەبێت لەگەڵ بەرزبوونەوەی تۆز و خۆڵ، لە کاتەکانى نیوەڕۆ بەدواوە چڕییەکەى زیاد دەکات بە تایبەتى سنوورى پارێزگاى سلێمانى و کەرکووک و ئیدارەى ڕاپەڕین و گەرمیان، پلەکانی گەرماش نزیکەی چوار پلەی سیلیزی بەراورد بە دوێنێ نزم دەبنەوە.

زانیاریی زیاتر: بەپێی ڕاگەیێنراوەکەی کەشناسی، سبەی لە هەرێمی کوردستان ئاسمان ساماڵ دەبێت، لەگەڵ بەردەوامیی بەرزبوونەوەی تۆز و خۆڵ تاوەکوو کاتەکانی نیوەڕۆ پاشان کەشەکە سەقامگیر دەبێت و پلەکانی گەرماش بە گشتی نزیکەی سێ پلە بەراورد بە ئەمڕۆ زیاد دەبن.

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕاگەیاند: ڕاستە ئەمڕۆ و سبەی شەپۆلێکی خۆڵبارین هەرێمی کوردستان دەگرێتەوە بەڵام بەو چڕییە نییە کە باس دەکرێت، بەڵام بەپێی پێشبینییەکان ئەمساڵ باران پێش وادەی خۆی دەبارێت و ئەگەری زۆر هەیە لە 15ی11 هێندە باران ببارێت پەڵە بدات.

ئەوەی پێویستە بیزانیت: ئەمڕۆ بەرزترین پلەی گەرما لە گەرمیان تۆمار دەکرێت کە 37 پلە دەبێت و نزمترینیش لە حاجی ئۆمەران دەبێت کە 21 پلەی سیلیزییە.